मादक पदार्थ सेवन गरी स्कुल बस चलाउने पोखराका थप ५ जना चालकलाई प्रहरीले पक्राउ गरेको छ । जिल्ला प्रहरी कार्यालय कास्की र ट्राफिक प्रहरी कार्यालय कास्कीबाट खटिएको प्रहरी चेकिङ टोलीले ५ जनालाई पक्राउ गरेको हो ।
मंगलबार बिहान स्कुल बसका चालकहरूको जाँच गर्दा पाँच जना चालकले मादक पदार्थ सेवन गरी सवारी साधन चलाएको पाइएकाले उनीहरूलाई नियन्त्रणमा लिई आवश्यक कारबाही प्रक्रिया अगाडि बढाइएको प्रहरीले जनाएको छ।
प्रहरीले रत्न ज्योति बोडिङ स्कुलको ग १ क ५९६२ नम्बरका बस चालक, जिल्ला पर्वत घर भई हाल पोखरा महानगरपालिका–८ बस्ने वर्ष ४२ का गोविन्द क्षेत्री, एइएफ सेकेन्डरी स्कुलको ग १ क ४७६३ नंम्बरको बस चालक, पोखरा महानगरपालिका–१६ बाटुलेचौर बस्ने वर्ष ४५ का सर्वजित रेग्मी, गुरुकुल विद्यासन बोडिङ स्कुलको ग १ क १९५७ नंम्बरको बस चालक, जिल्ला पर्वत घर भई हाल पोखरा महानगरपालिका–९ बस्ने वर्ष ४७ का दलबहादुर सुनार, इमानुयल बोडिङ स्कुलको ग १ क ५००८ नम्बरको बस चालक, जिल्ला चितवन रत्ननगर नगरपालिका–११ घर भई हाल पोखरा महानगरपालिका–९ नयाँबजार बस्ने वर्ष ४७ का मनबहादुर तामाङ रहेका छन् । त्यसै गरी गण्डकी बोडिङ स्कुलको ग १ क ६६२३ नम्बरको बस चालक, जिल्ला म्याग्दी घर भई हाल पोखरा महानगरपालिका–१९ लामाचौर बस्ने वर्ष ३० का रोनिश खनाल रहेका छन् ।
प्रहरीका अनुसार विद्यालयका सवारी साधनका चालकहरूले मादक पदार्थ सेवन गरी सवारी साधन चलाउँदा विद्यार्थीहरूको सुरक्षामा गम्भीर जोखिम पर्ने भएकाले यस्ता कार्यमा संलग्नलाई कडाइका साथ कानुनी दायरामा ल्याए कास्की प्रहरी प्रवक्ता डिएसपी हरी बहादुर बस्नेतले बनाए ।
