तीन दिने उद्घोषक तथा भाषण कला कार्यक्रम सम्पन्न
भगवती सामुदायिक सिकाई केन्द्र आयोजित तीन दिने उद्घोषक तथा भाषण कला कार्यक्रम आइतबार सम्पन्न भएको छ।
कार्यक्रमको सभापति संस्थाकाअध्यक्ष महेन्द्र पौडेलको अध्यक्षतामा कार्यक्रम सम्पन्न भएको थियो।
जसको प्रमुख अतिथि मादी गाउँपालिका वडा नं १२ का कार्यवाहक वडा अध्यक्ष दिपेन्द्रराज ढकाल रहेका थिए ।त्यसै अवसरमा प्रमुख अतिथिढकालले उद्घोषण तालिमले महिलाहरूमा रहेको आत्मनिर्भरता बढाएकोमा विश्वास व्यक्त गरे।उनले बोल्ने कला सिक्नु भनेको केवल औपचारिक कार्यक्रम गर्न मात्रै नभई हरेक क्षेत्रमा काम लाग्ने बताए । मादी गाउँपालिका वडा नं १२ का कार्यवाहक वडा अध्यक्ष दिपेन्द्रराज ढकालले सहभागीहरुलाई प्रमाणपत्र प्रदान गरेका थिए ।
त्यस्तै अतिथिको रूपमा वडा सदस्य मिलन ढकाल लगायत रहेका थिए।
कार्यक्रम २५ गतेदेखि २७ गतेसम्मभएको संस्थाका अध्यक्ष महेन्द्र पौडेलले बताए।कार्यक्रमको सहजीकरण कास्कीखबरका सञ्चालक ऋषिराम दाहाल त्यसैगरी रेडियो गोर्खालीका स्टेसन म्यानेजर खेमा गुरुङले गरेका थिए।सो कार्यक्रमको समापन प्रशिक्षार्थी विष्णुमाया आचार्य पौडेलले गरेकी थिइन्।यो तालिमले हामीलाई आत्मनिर्भर बनाएको कुरा प्रशिक्षार्थीअन्जना खनाल बताइन्।
कार्यक्रममा १० वटा समूहका जम्मा ४० जना उपस्थित रहेको जानकारी गराइएको छ।
