कास्कीमा मोडिफाइ गरिएका मोटरसाइकल चलाउन निषेध
![](https://kaskikhabar.com/wp-content/uploads/2024/03/moter-cycle-kaski-police-780x470.jpg)
कास्की प्रहरीले पोखरामा स्वरुप फेरिएका मोटरसाइकल चलाउन निषेध गरिएको छ । जिल्ला प्रहरी कार्यालय कास्कीले बुधबार एक सूचना जारी गरी स्वरुप फेरेर मोटरसाइकल चलाए कारबाही गरिने जनायो ।
स्वरुप परिवर्तन गरी सवारी साधन चलाउँदा दुर्घटना हुने, चर्को आवाजले ध्वनी प्रदुषण हुने, बिरामी, बृद्धबृद्धा, बालबालिका, विद्यार्थीहरु तथा संवेदनशील क्षेत्र (स्कूल तथा अस्पताल) मा प्रत्यक्ष असर गर्ने सुचनामा भनिएको छ ।
अटेरी गरेमा सवारी तथा यातायात व्यवस्था ऐन, २०४९ बमोजिम कडा कारवाही हुने कास्की प्रहरी जारी गरेको सूचनामा उल्लेख छ ।
कास्की प्रहरीले गत भदौ २५ गतेदेखि स्वरुप फेरिएका मोटरसाइकल नियन्त्रण लिने अभियानबाट ६ सय ८१ व्टा मोटरसाइकल नियन्त्रणमा लिएको थियो ।