एक्सपर्ट एजुकेसन अन्तर विद्यालय छात्र टि–२० क्रिकेट च्याम्पीयनसीपमा अमरसिंह र रत्न ज्योतिको पहिलो जित

पोखरा /

पोखरामा जारी एक्सपर्ट एजुकेसन अन्तर विद्यालय छात्र टि–२० क्रिकेट च्याम्पीयनसीप अन्तर्गत मंगलबारको खेलमा अमरसिंह मावि र रत्न ज्योति सेकेण्डरी स्कुल बिजयी भएका छन् । पोखरा महानगरपालिका क्रिकेट संघको आयोजनामा पोखराको लेखनाथस्थित ईडेन गार्डेन क्रिकेट मैदानमा जारी प्रतियोगिता अन्तर्गत मंगलबार भएको खेलमा अमरसिंह माविले न्यूलाईट सेकेण्डरी र रत्न ज्योतिले एसओएस हर्मन माईनर सेकेण्डरी स्कुललाई पराजित गर्दै पहिलो जित हात पारेका हुन् ।

मंगलबारको पहिलो खेलमा अमरसिंह माविले न्यूलाईटलाई ११८ रनको फराकिलो अन्तरले पराजित ग¥यो । न्यूलाईटले टस जितेर फिल्डिङ रोजेपछि व्याटिङमा उत्रिएको अमरसिहं माविले २० ओभरमा सबै विकेट गुमाएर २०५ रनको विशाल योगफल तयार ग¥यो । अमरसिंहका लागि आस्रय रिमालले २७ बलमा ३९ रन, सत्कार चालिसेले ३० बलमा ३८ रन तथा सुलभ सुवेदीले १७ बलमा २६ रनको योगदान दिए । न्यूलाईटका एमडी आसिफले ४ ओभरमा १८ रन तथा प्रतीक भुषालले ४ ओभरमा ३३ रन खर्चेर समान २÷२ विकेट लिए ।

२०६ रनको विशाल लक्ष्य पछ्याएको न्यूलाईट निर्धारित २० ओभरमा ९ विकेट गुमाएर ८७ रनमा सिमित बनेको थियो । । न्यूलाईटका लागि एमडी आसिफले २७ बलमा २६ रन तथा कात्तिक पौडेलले २९ बलमा १० रन बनाउनुबाहेक अन्यले दोहोरो अंकमा रन बनाउन सकेनन् । न्यूलाईटलाई न्यून रनमा सिमित गर्न अमरसिंहका स्मिथ कँडेलले ३ ओभरमा ६ रन तथा सुलभ सुवेदीले ४ ओभरमा १७ रन खर्चेर समान २÷२ विकेट लिन सफल भए ।

सो खेलमा अमरसिंह मविका सुलभ सुवेदी प्लेयर अफ दी म्याच घोषित भए ।

मंगलबारकै दोश्रो खेलमा रत्न ज्योति सेकेण्डरी स्कुलले एसओएस हर्मन माईनर सेकेण्डरी स्कुललाई २ विकेटले पराजित ग¥यो । रत्न ज्योतिले टस जितेर फिल्डिङ रोजेपछि व्याटिङमा उत्रिएको एसओएसले निर्धारित २० ओभरमा ४ विकेट गुमाएर १२६ रनको मध्यम योगफल तयार ग¥यो । एसओएसका लागि विराज सापकोटाले ५५ बलमा ५६ रन तथा रसेल सुवेदीले ४५ बलमा १९ रन बनाउनुबाहेक अन्यले उल्लेख्य प्रदर्शन गर्न सकेनन् । एसओएसलाई मध्यम स्कोरमा रोक्ने क्रममा रत्न ज्योतिका अभिषेक पौडेलले ४ ओभरमा १४ रन तथा सुशान्त पोखरेलले ४ ओभरमा २२ रन खर्चेर समान १÷१ विकेट लिए ।

१२७ रनको मध्यम लक्ष्य पछ्याएको रत्न ज्योतिले १५.४ ओभरमा ८ विकेटको नोक्सानीमा लक्ष्य भेट्टाएको हो । रत्न ज्योतिका लागि अरुण घिमिरेले ३० बलमा २६ रन तथा प्रतीक सुवेदीले ८ बलमा १९ रनको योगदान दिए । एसओएसका निकोल्सन पराजुलीले २ ओभर बलिङ गर्दै १५ रन खर्चेर ३ विकेट तथा अनन्त आचार्यले ४ ओभरमा ३९ रन खर्चेर २ विकेट हत्याए ।

सो खेलमा रत्न ज्योतिका अरुण घिमिरे प्लेयर अफ म्याच घोषित भए ।

प्रतियोगिता अन्तर्गत बुधबार जुनियर सिटिजन एकेडेमीबिरुद्ध प्रतिभा मावि तथा डायमण्ड एकेडेमीबिरुद्ध एसओएस प्रतिष्पर्धामा उत्रिने आयोजक पोखरा महानगरपालिका क्रिकेट संघका अध्यक्ष बिरेन्द्र पुनले जानकारी दिए ।