सुनको मूल्यमा फेरि नयाँ रेकर्ड, तोलाको १ लाख २७ हजार ९ सय रुपैयाँ पुग्यो

सुनको मूल्यमा फेरि नयाँ रेकर्ड कायम भएको छ । नेपाल सुनचाँदी व्यवसायी महासङ्घले आज सुन प्रतितोला १ लाख २७ हजार ९ सय रुपैयाँ तोकेको छ । जुन अहिलेसम्मकै उच्च मूल्य हो ।

यसअघि हिजो १ लाख २६ हजार ८ सय  रुपैयाँमा कारोबार भएको सुनको मूल्य आज १ हजार १ सय रुपैयाँले बढेर १ लाख  २७ हजार ९ सय रुपैयाँ पुगेको हो । यस्तै चैत ८ गते सुनको मूल्य प्रतितोला १ लाख २६ हजार ८ सय रुपैयाँमा कारोबार हुँदा नयाँ रेकर्ड बनेको थियो । अन्तर्राष्ट्रिय बजारमा सुनको मुल्य बढेसँगै नेपालमा पनि बढ्ने नेपाल सुनचाँदी व्यवसायी महासङ्घले जनाएको छ ।

चाँदीको मूल्य पनि आज बढेको छ। हिजो तोलामा १ हजार ४ सय ९० रुपैयाँ रहेको चाँदी आज २० रुपैयाँ बढेर १ हजार ५ सय १० रुपैयाँ पुगेको महासङ्घले जनाएको छ ।